ابوذیّات الگلب

ابوذیّات و الگلب و

یگلبی اترکهم العافوک ولهام

علیک او چردسوا بالظلم والهام

عدوّک من سمع هانوک ولهام

نذول اموات ما عدهم حمیّه

***

یگلبی اشما ثگل حملک حمالک

ابلهیب النار دفّالک حمالل

اعلی ظهرک شیل لم شملک حمالک

الحمل لو طاح تلفیک المنیّه

***

یگلبی المایمرّک دوم مربیه

الیطوفک مو حلو بالطبع مربیه

تخلّق للبشر و انطرح مربیه

تربّی او ترتبی او تدّی التحیّه

***

انخطف ولفی ابحضن مجبور من سار

ابوکت الظهر گلبی انزرف من سار

ابّطن گلبه دفنت اگبور من سار

اخاف احچی او یذب ضیمه علیّه

***

یگلبی الکثّر احزانک و الالام

ابحیاته لا ابو عنده ولا لام

علیمن لایم او تهرس ولالام

اکنسه امن الدرب صبح او مسیّه

***

یگلبی شد حزم مهرک و سر بیه

علی الیوفی ابوعد زومک و سر بیه

ابیوم الکون عد عینک و سربیه

اشحلات الزین من یوفی الخویّه

***

یگلبی تارک الظالم وهم بیه

ابقصر لا تقبل اتعاشر و هم بیه

رجاء المظلوم تچّیله و هم بیه

جزاک ابهای الک ربّک تچیّه

***

الفتن ما ینجمد بالزعل والفار

المشاکل ما تحل بالنبش والفار

البیت الخازن الجرذان والفار

یجی یوم ایتهدّم فوگ ابیّه

***

یگلبی لا تخالط کدر وارباح

لان قدرک یسل ینغدر وارباح

العلم والتقوی زاید عشر وارباح

یفیدک ذخر دنیه او آخریّه

***

زمانی سیل و انهد علی وانهار

یچردس بالمشاکل عبث وانهار

لا لیلی یکفنی الفکر وانهار

لگانی اوحید ذب ضیمه علیّه

***

الشاعر الشعبی:

جاسم ثعلبی (الحسّانی) 14/07/2018

25/04/1397

ستاره درخشان شعر فارسی و عربی...