روحي لا تونّين

روحي لا تونّين

خلص كافي تحنّين / يروحيلاتونّين

لفاچ إبقوّة الفراگ / بعد المن تعتبين

هواه العذّبانه / و النحبّه نسانه

سكري الدمعة يا عين / إعتقد ميفيد تبچين

***

اويلي او گلبي تعبان / لابس ثوب الأحزان

يروحي ذايب إوياه / يروحي إبحبّه غرگان

جفاني طيري الباز / شت إبأرض الأهواز

طرتي بإلسماء إوياه / بس كافي تبارين

***

شال او دمّرانه / نكر حبنه او نسانه

سهران أنزف إدموع / إبعشرتنه نهانه

خياله العم عليّه / و إصورّه بديّه

و أصيح إبصوت بسكوت / گلبي إنجسم نصّين

***

وينك يل عفتني / متأسّف خنتني

شنهي ذنبي ويّاك / مجروح او عفتني

ذاك الدرب مبخوت/و أضوگن بعدك الموت

برگبتك خطاياي / مع غيري ترگصين

***

خلص كافي تحنّين / يروحي لا تونّين

لفاچ إبقوّة الفراگ / بعد المن تعتبين

هواه العذّبانه / و النحبّه نسانه

سكري الدمعة يا عين / صبر ميفيد تبچين

***

جاسم ثعلبي الحسّاني ( جاسم محمد الحسّاني)

03/09/1402

ستاره درخشان شعر فارسی و عربی...