#وصیّة إلی قلبی

وصیّة إلی قلبی

یگلبی إکتب قصیده إو خلهم إیسمعون

لیش إلمحترمهم ما یقدرونک

إمأدّب رحّبت لل رایح إو للجای

من تحچی إبثقافه ما یسمعونک

ردت إلعلّه أعلمک خلهه سر مدفون

هذوله أخباث أصلاً ما یفیدونک

تابع کل بشر صادق إو طیّب ذات

إلبیهم رده إطفرهم لا یگرمونک

یدورون إلشتات إیطالبون إفصول

یسبب عرکه لو طایر یصیدونک

ما عدهم رحم و إلخوّه عدهم مای

لو شط یمهم إبظرفک یذبّونک

شوف إعیونهم تتلاهب إبتنّور

إبنار إلفرگه تسعر لا یخبزونک

ما عدهم دراسه إمچففین إبغیض

لو یاسعهم إبدمّک یحنّونک

إترکهم لل مأاسی إمشگگین إثیاب

إستهم و إبعد علیهم لا یحسدونک

های أخر وصیتی إسمعهه حد إلموت

إلما گدروا علیک إبذل یتهمونک

جاسم محمد ألحسّانی 10/02/1402

ستاره درخشان شعر فارسی و عربی...